عام يكفينا
يالشايفين شوفة مقلوبة
فكروا فينا هاد النوبة
العطالة عمرت الشوارع و الدروبة
و الأجهزة المزغوبة
ولفات فينا القميع
هاد العام يكفينا
بالقسوة والهم داز ثقيل علينا
ياك درنا لي علينا
اقرينا وتعلينا
وعلى العلم ما تخلينا
و الشواهد العليا اخدينا
أخرتها في الشوارع ترمينا
هجرنااحبابنا والناس العزيزة علينا
تابعين حقنا المسلوب من يدينا
ولهلا يوريك العصا لي كلينا
لاحد بقينا فيه وسول فينا
واخوتنا في الله مازال زايدين فيه
ومن هاد تمارة مابغاو يعفونا
بالحق هير صبروا راه قالوا لينا
10% ليهم ولينا
وكلام العقال لازموا تطبيق في الحال
و لايولي لعب الدراري الصغار
وهاد الشي مايرضيهم ولا يرضينا
حيث زمان اسيادناالاحرار
كلمتهم كانت ماتنوض فتنة ما تشق غبار
بها يتعاملوا مع الصغار و الكبار
و حديثهم مرصع بالماس والجوهر
لاتسرج حتى تلجم واعقد عقدة صحيحة
لاتكلم حتى تخمم لاتعود عليك بالفضيحة
و باين حكومتنا العزيزة قبل مادوات
الركيزةالصحيحة لينا بنات
هاد سرب الكلام طلقات
وعقدات عقدة كبيرة و كثرث اللفات
و على الحل الشامل عولات.
رشاك خديجة
ليست هناك تعليقات:
إرسال تعليق