أطر عليا
سْلام عليكم يا الحاضرين
سمحو لي ناخد من وقتكم
وما تخافو..غير باش انفيدكم
نصحح ما يتقال
ونبين صحت ما يتراج
تربعو فلمجالس
تربعو فلمجالس
وقالو علينا مكانس
لكوسلا ديال الفصول
طلعو بالنقيل والغش المفضوح
ما عندهم لا علم ولا معلوم
أُ كون كانت فيهم الفايدة
كون دازو فالمتحنات الفايتة
....
أُ المساكن لي فالشاريع.. وقفوا
وقالو علينا كنتفششو
عطاونا مليون والطونبيل
وحنا عليها متكبرين
بغينا نقبطوا السما بيدينا
وطرف دالخبز ما كافينا
قالو علينا داسرين وناقصين
وعلى النعمة مترفعين
إيـــــه... إيـــــــــه
شلا ما قالو
وحنا اليوم هنا
باش نقولو شكون حنا
حنا أطر عليا معطلة
جبنا الدبلمات بتمارة
ما صدقها علينا حد
ولا شريناها من سوق الحد
شهدو بها الجامعات
وجابونا حتى لهنا
وقالو لينا حْدْكُم هنا
إو سمعو نقول ليكم
حنا ما جينا نسعاو ولا نطغاو
حنا ما بغينا فوضة
ولا قلة الأصل مرغوبة
حنا ولاد الناس
ومطلبنا ما تداس
حنا ولاد الأصل
وهادشي مافيه مفصل
خلينا هليتنا واحبابنا
وجينا من كل فج وأرض كبرتنا
على كلمة وحدة جمعاتنا "الادماج المباشر"
توحدنا عليها
ووهبنا حياتنا ليها
وحنا صابرين
كيف صابر الصبار الراقد على شوكو
حتى يطلع نهارو
.....................كوثر بلفـقـيـه
ليست هناك تعليقات:
إرسال تعليق